Të dhënat që mbështesin ekzistencën e trurit të foshnjës, një term që përdoret për të treguar se shtatzënia apo mëmësia mund të dëmtojnë kujtesën e gruas apo aftësinë për të menduar, nuk janë të mjaftueshme.
Studiuesit nisën të studionin teorinë e trurit të foshnjës, ngaqë shpeshherë gjatë shtatzënisë dhe pas lindjes, gratë shfaqin ndryshime në aftësitë njohëse, veçanërisht harresë.
Gjithsesi, rezultatet e studimeve që analizojnë marrëdhënien mes shtatzënisë apo mëmësisë dhe ndryshimeve në aftësinë e gruas për të menduar, janë shumë kontradiktore.
Sipas disa studimeve, gjatë shtatzënisë dhe pas saj, kujtesa e grave dobësohet, ndoshta për shkak të ndryshimeve hormonale, mungesës së gjumit apo stresit për të përballuar një ndryshim të rëndësishëm në jetën e tyre.
Sidoqoftë, sipas disa studimeve të tjera, shtatzënia dhe mëmësia nuk kanë ndikime negative në aftësitë njohëse.
Meqenëse koncepti i trurit të foshnjës pranohet gjerësisht, disa ekspertë sugjerojnë se gratë shtatzëna dhe nënat e reja janë të vetëdijshme për ato që harrojnë çdo ditë. Kësisoj, gabohen kur mendojnë se kanë probleme.
Nëse jeni shtatzënë apo një nënë e re, mos mendoni se aftësitë tuaja njohëse po përkeqësohen, por nuk duhet të harroni se mëmësia shoqërohet me një ndryshim emocional dhe fizik.
Teksa i përshtateni kësaj situate të re, mundohuni që vëmendja juaj të përqendrohet në aspektet pozitive të shtatzënisë, mëmësisë dhe rrugëtimit që keni përpara.
Burimi: /Telegrafi/