Deri në 62 për qind e personave mbi 50 vjeç kanë mungesë të vitaminës D, e cila prodhohet nga kontakti i drejtpërdrejt me diellin.
Pse keni nevojë për vitaminë D?
“Vitamina D vepron si pajisje personale mbrojtëse brenda nesh”, shprehet Derrick M. DeSilva Jr, internist në qendrën mjekësore Raritan Bay në New Jersey.
Kjo për shkak se vitamina D ndihmon për të mbajtur larg viruset që depërtojnë në qeliza dhe shkaktojnë dëme të mëdha. Në të vërtetë, studiuesit vunë në dukje në The Medical Journal që vitamina D mund të zvogëlojë rrezikun e infeksioneve akute të frymëmarrjes dhe pneumonisë dhe sugjeruan ngritjen e vitaminës D për të rritur rezistencën ndaj COVID-19.
“Nëse infektoheni, do të keni forcë për ta luftuar atë në mënyrë më efektive”, thotë Dr. DeSilva.
Mënyra më e mirë për të marrë vitaminën D
Ekspozimin në diell është mënyra më e mirë për të rritur vitaminën D, pasi që vitamina krijohet në mënyrë natyrale kur rrezet UVB godasin lëkurën. Mesdita është ideale pasi rrezet UVB janë në nivelin më të lartë të tyre midis orës 10:00 të mëngjesit dhe 3:00 të pasdites (duhet pasur kujdes nga temperaturat e larta).
Rekomandohet të kaloni 10 deri në 15 minuta në dritën e diellit, pa krem mbrojtës, gjatë orëve të cekura së paku tri herë në javë dhe prisni të paktën një orë para se të bëni dush. Hulumtimet nga Universiteti i Alabama zbulojnë se duhen 60 minuta që vajrat e lëkurës të krijojnë vitaminën D nga rrezet e diellit.
Burimi i informacionit: /Telegrafi/