Përbërësit për petat:
100 gr margarin
1 vezë
3 lugë mjaltë(60 gr)
2 lugë kakao
50 ml qumësht
270 gr miell
1 lugë e vogël sodë bikarboni
Përbërësit për kremin:
500 ml qumësht
4 lugë sheqer
4 lugë(60 gr) griz
50 gr çokolatë e bardhë
Përgatitja:
Përziejmë miellin me sodën.
Në një enë tjetër përziejmë margarinën, vezën, mjaltën, qumështin dhe kakaon. Kësaj mase i shtojmë miellin ngadalë dhe e përziejmë me dorë deri të formohet një brum i cili nuk ngjitet për duar.
Brumin e ndajmë në 2 pjesë.
Fillojmë me përgatitjen e kremit.
Në një enë e qesim qumështin që të vlojë. Posa të filloj të vlojë, e shtojmë sheqerin dhe grizin. E ziejmë deri të trashet grizi.
Largojmë nga zjarri dhe i shtojmë çokoladën e coptuar. E përziejmë kohë pas kohe që të shkrihet çokollada.
Dy pjesët e brumit i hollojmë në madhësinë e tepsisë që do e pjekim ëmbëlsirën (25-30cm).
Në tepsi shtrojmë letër kuzhine, mbi të e qesim njërën petë të cilën e shpojmë me pirun. Pastaj, e qesim kremin e ftohur.
Mbi krem qesim petën tjetër të cilën e kemi shpuar më herët me pirun. Shtypim pak me dorë që të ngjitet peta me kremin.
Embëlsirën e pjekim në temperaturë rreth 180°C.
Embëlsira duhet të lihet ashtu tërë natën që të zbuten petat. Mbi zbukurohet me sheqer pluhur.
