Në përgjithësi fëmijët kanë shumë ambicie dhe tendenca për të bërë veprime të ndryshme dhe janë prindërit ata që e thonë fjalën e fundit në shumicën e rasteve. Qoftë përgjigje negative apo pozitive, është shumë e rëndësishme mënyra se si ju e transmetoni atë tëk fëmiu.
Nëse vazhdimisht i përgjigjeni fëmiut tuaj vetëm me “JO” dhe i qaseni negativisht, atëherë kjo mund të ketë disa pasoja:
- Mund të ndikojë negativisht në vetëbesimin e tyre, duke e ngritur ndjenjën e pafuqisë dhe ankthit
- Mund ta rrisë dëshirën e tyre për të ju sfiduar
- Mund të ndjehen sikur po ‘i’a preni krahët’
- Mund ta detyroni që të fillojë të mos ju bindet
- Do të ndikoni që ata të tërhiqen nga marrja e iniciativave
Edhe në rastet kur mendoni se më e arsyeshme është që fëmiut t’i thuhet “JO”, më mirë do të ishte që këtë t’ia transmetoni me gjuhë më të butë.
Father talking to Daughter While Working
Mund të filloni duke zëvendësuar JO-në me ndonjë kusht apo detyrë që prisni nga fëmiu juaj ta realizoj.
Për shembull, kur fëmiu ju pyet:
A mund të shikoj TV?
Ju mund ta zgjedhni mënyrën se si t’i përgjigjen, e që gjithmonë rekomandohet ajo Pozitive:
- Negative: Jo, sepse nuk e ke pastruar dhomën.
- Pozitive: Po, menjëherë pasi e pastron dhomën.
MOS HARRONI dy rregullat e arta:
- Refuzimi i kërkesës së fëmiut tuaj me qasje pozitive, e rrit mundësinë dhe dëshirën për të bashkëpunuar me ju dhe ta pranojë vendimin tuaj me lehtësi.
- Kur vendosni ta refuzoni kërkesën e fëmiut tuaj, gjithmonë duhet t’ia tregoni edhe arsyen pse – njësoj sikur që do të veproje me një të rritur. Nuk ka pse të jetë ndryshe.